CYFLOG

ORIAU

LLEOLIAD

YN ATEB I

Rheolwr Cymunedau Cysylltiedig

YN GYFRIFOL AM

DULL YMGEISIO

Darparu cymorth lles ariannol hygyrch, sy'n canolbwyntio ar y person i ofalwyr di-dâl sydd mewn sefyllfa o galedi ariannol neu sydd mewn perygl o ddioddef hynny. Bydd deiliad y swydd yn helpu gofalwyr i ddeall eu sefyllfa ariannol, darganfod a chael mynediad at fudd-daliadau a hawliau eraill, rheoli costau’r cartref a chael mynediad at gymorth ymarferol priodol. Bydd y rôl hefyd yn helpu gofalwyr i gael mynediad at grantiau caledi a gwasanaethau arbenigol, ac ar yr un pryd yn hyrwyddo urddas, dewis, annibyniaeth a gwytnwch ariannol.

Prif gyfrifoldebau

Cymorth lles ariannol

• Darparu sesiynau lles ariannol un-i-un wedi'u personoli ar gyfer gofalwyr di-dâl
• Cynnal gwiriadau hawliau budd-daliadau a chefnogi gofalwyr i ddarganfod budd-daliadau heb eu hawlio a chymorth ariannol arall.
• Darparu cymorth ymarferol gyda cheisiadau am fudd-daliadau, tystiolaeth ategol, ffurflenni ar-lein a mynediad digidol lle bo angen.

Grantiau caledi a chymorth ymarferol

• Darganfod gofalwyr sydd mewn sefyllfa o galedi ariannol uniongyrchol ac asesu eu hanghenion yn unol â meini prawf a gweithdrefnau cymhwysedd y prosiect.
• Cefnogi gofalwyr i gael mynediad at ficro-grantiau caledi priodol neu gymorth mewn nwyddau, gan gynnwys bwyd, tanwydd, eitemau hanfodol i’r cartref a phrydau drwy Cynon Linc.
• Cwblhau ceisiadau manwl gywir am grantiau a chofnodion asesu, gwneud argymhellion a chael y caniatâd angenrheidiol cyn i gefnogaeth gael ei darparu.

Allgymorth a gweithio mewn partneriaeth

• Mynd ati i gysylltu’n â gofalwyr di-dâl, gan gynnwys y rhai nad ydynt efallai yn eu hystyried eu hunain yn ofalwyr neu rai nad ydynt yn cael mynediad at wasanaethau ar hyn o bryd.
• Datblygu llwybrau atgyfeirio effeithiol gyda thimau ACM, Cynon Linc, gwasanaethau cymdeithasol, gwasanaethau iechyd, grwpiau cymunedol a phartneriaid lleol eraill.
• Cynnal apwyntiadau yn Cynon Linc a, phan fo'n briodol, mewn canolfannau cymunedol neu leoliadau allgymorth eraill y cytunwyd arnynt ledled Rhondda Cynon Taf.

Cofnodion, monitro ac ansawdd y gwasanaeth

• Cadw cofnodion cywir, amserol a chyfrinachol o gysylltiadau, asesiadau, cyngor, atgyfeiriadau, grantiau a chanlyniadau ar systemau cymeradwy ACM.
• Casglu gwybodaeth fonitro feintiol ac ansoddol a chyfrannu at adroddiadau arianwyr a gwerthuso gwasanaeth.
• Monitro ac adrodd ar gyflawni yn erbyn targedau y cytunwyd arnynt, gan gynnwys sesiynau cymorth, allgymorth, grantiau a chanlyniadau gwneud y gorau o incwm.

Diogelu a dyletswyddau cyffredinol

• Hyrwyddo hawliau, urddas, annibyniaeth, lles, cyfrinachedd a phreifatrwydd pob defnyddiwr gwasanaeth.
• Cydnabod ac ymateb yn briodol i bryderon am ddiogelu, gan ddilyn polisïau ACM a gweithdrefnau adrodd.
• Nodi risg, bregusrwydd neu anghenion y tu hwnt i gylch gwaith y rôl a gofyn am gyngor neu wneud atgyfeiriadau fel y bo'n briodol.

Mae trwydded yrru lawn, lân a mynediad at gerbyd sydd wedi’i yswirio’n briodol at ddibenion gwaith yn ofynion hanfodol ar gyfer y swydd hon.

I gael rhagor o wybodaeth, lawrlwythwch y Disgrifiad Swydd llawn isod.

• Cyflogwr sy’n ystyriol o deuluoedd
• Lwfans milltiroedd
• Gostyngiad yn Cynon Linc
• Mynediad at gyngor ariannol annibynnol
• Cynllun llesiant yn y gweithle
• Rhaglen cymorth i weithwyr