CYFLOG

ORIAU

LLEOLIAD

YN ATEB I

Arweinydd Hyb Cymunedol

YN GYFRIFOL AM

DULL GWNEUD CAIS

Diben y Swydd

Bydd Cydgysylltydd Prosiect Seibiannau Byr yn chwarae rhan allweddol yn y gwaith o ddatblygu Cynon Linc fel canolfan gydnabyddedig i ofalwyr ar draws Rhondda Cynon Taf, gan ddarparu cyfleoedd hyblyg ac ataliol sy'n caniatáu i ofalwyr di-dâl gael mynediad at gyfnodau o orffwys, adferiad, ailgysylltu a chymorth.

Bydd deiliad y swydd yn gyfrifol am ddatblygu, cydlynu, cyflwyno, gweinyddu, monitro ac adrodd ar y Prosiect Seibiannau Byr. Bydd hyn yn cynnwys cydlynu ystod o gyfleoedd seibiannau byr gan gynnwys gweithgareddau therapiwtig, sesiynau cymorth gan gymheiriaid, gweithgareddau lles, gwibdeithiau, grantiau unigol a chyfleoedd seibiant eraill sy'n cefnogi iechyd a lles gofalwyr.

Bydd y rôl yn nodi ac yn ymgysylltu â gofalwyr di-dâl, yn enwedig gofalwyr hŷn, gofalwyr sy'n cefnogi pobl sy'n byw gyda dementia, a grwpiau heb gynrychiolaeth ddigonol gan gynnwys gofalwyr gwrywaidd, gofalwyr LGBTQ+ a gofalwyr o gymunedau ethnig lleiafrifol. Bydd deiliad y swydd yn gweithio ar y cyd â phartneriaid er mwyn cynyddu mynediad at ddarpariaeth seibiannau byr o safon uchel a sicrhau bod gofalwyr yn derbyn gwybodaeth, cyngor a chefnogaeth briodol i'w cynnal yn eu rolau gofalu.

Prif gyfrifoldebau

Datblygu Prosiectau a Marchnata

• Datblygu a chyflwyno gweithgareddau sy'n codi ymwybyddiaeth o Brosiect Seibiannau Byr a gwasanaethau cymorth ehangach i ofalwyr ledled Rhondda Cynon Taf.
• Mynd ati’n i nodi, ymgysylltu a chefnogi gofalwyr di-dâl, gan sicrhau bod ganddynt fynediad at wybodaeth, cyngor a chymorth perthnasol
• Datblygu dulliau ymgysylltu wedi'u targedu ar gyfer gofalwyr a allai fod yn llai tebygol o gael gafael ar gymorth, gan gynnwys gofalwyr hŷn, gofalwyr pobl sy'n byw gyda dementia, gofalwyr gwrywaidd, gofalwyr LGBTQ+ a gofalwyr o gymunedau ethnig lleiafrifol.

Cyflwyno a Chydlynu’r Prosiect

• Cydlynu a chyflwyno rhaglen o gyfleoedd seibiant byr sy'n cefnogi lles, gwytnwch ac ansawdd bywyd gofalwyr.
• Trefnu a hwyluso gweithgareddau therapiwtig, grwpiau cymorth gan gymheiriaid, sesiynau lles, cyfleoedd cymdeithasol, gwibdeithiau a gweithgareddau seibiant byr eraill.
• Cydlynu seibiannau byr unigol a chyfleoedd a ariennir gan grantiau yn unol ag amcanion y prosiect a gofynion cyllido.

Gweinyddu a Datblygu Grantiau Seibiannau Byr

• Cydlynu gweinyddu grantiau unigol a mentrau seibiant byr yn unol â pholisïau, gweithdrefnau a gofynion cyllido y cytunwyd arnynt.
• Cefnogi gofalwyr drwy gydol y broses ymgeisio a sicrhau mynediad amserol at gyfleoedd ariannu.
• Cadw cofnodion manwl gywir sy'n ymwneud â cheisiadau am grantiau, cymeradwyaethau, monitro a chanlyniadau.

Rheoli Cyllideb ac Adrodd

• Gweinyddu a monitro cyllideb y Prosiect Seibiannau Byr yn unol â gofynion sefydliadol a gofynion y cyllidwyr.
• Cynnal cofnodion ariannol cywir a systemau olrhain gwariant.
• Cynhyrchu adroddiadau amserol ar weithgaredd, perfformiad, allbynnau a chanlyniadau’r prosiect.

Gweithio mewn partneriaeth

• Datblygu a chynnal perthnasoedd effeithiol â sefydliadau gwirfoddol, statudol, iechyd a gofal cymdeithasol.
• Datblygu llwybrau atgyfeirio gyda gwasanaethau iechyd, timau gofal cymdeithasol, gwasanaethau cymorth dementia, gwasanaethau gofal sylfaenol a sefydliadau cymunedol i wella mynediad i'r prosiect.
• Gweithio ar y cyd â phartneriaid atgyfeirio gan gynnwys gwasanaethau iechyd, timau gofal cymdeithasol, gwasanaethau cymorth dementia a sefydliadau cymunedol.

Cymorth i Ofalwyr a Gwaith Gweinyddu

• Cefnogi sgyrsiau sy'n canolbwyntio ar ganlyniadau gyda gofalwyr er mwyn nodi anghenion unigol, nodau lles a chyfleoedd ar gyfer seibiannau byr.
• Cefnogi sgyrsiau sy'n canolbwyntio ar ganlyniadau gyda gofalwyr i nodi anghenion unigol a chyfleoedd ar gyfer seibiannau byr.
• Sicrhau bod cyfleoedd seibiant byr yn cael eu hystyried yn rheolaidd o fewn prosesau cynllunio cymorth ACM.

Diogelu, rheoli risg a chydymffurfiaeth

• Sicrhau cydymffurfiaeth â pholisïau diogelu, iechyd a diogelwch, cydraddoldeb, GDPR a pholisïau sefydliadol bob amser.
• Cydlynu a chynnal asesiadau risg gweithgareddau a digwyddiadau ar gyfer holl weithgareddau prosiect a chyfleoedd seibiannau byr.
• Nodi ac ymateb yn briodol i bryderon diogelu yn unol â gweithdrefnau sefydliadol.

Mae trwydded yrru lawn a glân a mynediad at gerbyd sydd wedi’i yswirio’n briodol at ddibenion gwaith yn ofynion hanfodol ar gyfer y swydd hon.

I gael rhagor o wybodaeth, lawrlwythwch y Disgrifiad Swydd llawn isod.

• Cyflogwr sy’n ystyriol o deuluoedd
• Lwfans milltiroedd
• Gostyngiad yn Cynon Linc
• Mynediad at gyngor ariannol annibynnol
• Cynllun llesiant yn y gweithle
• Rhaglen cymorth i weithwyr